Instagram

Monday, 3 July 2017

Naat Goi Ka Fan: Aqwal E Ulama E Adab Ki Raushni Me

ﻧﻌﺖ ﮔﻮﺋﯽ ﮐﺎ ﻓﻦ۔ ﺍﻗﻮﺍﻝِ ﻋﻠﻤﺎﮮ ﺍﺩﺏ ﮐﯽ ﺭﻭﺷﻨﯽ ﻣﯿﮟ
از: ڈاکٹر محمد حسین مشاہد رضوی

ﮈﺍﮐﭩﺮ ﻣﺸﺎﮨﺪ ﺭﺿﻮﯼ ﮐﮯ ﭘﯽ ﺍﯾﭻ ﮈﯼ ﻣﻘﺎﻟﮯ ﺳﮯ ﻧﻌﺖ ﮐﮯ ﺣﻮﺍﻟﮯ ﺳﮯ ﺍﯾﮏ ﺑﮩﺘﺮﯾﻦ ﺟﺰ ﭘﯿﺶ ﮐﺶ : ﻣﺸﺎﮨﺪﺭﺿﻮﯼ ﺁﻥ ﻻﺋﻦ ﭨﯿﻢ
ﺟﺲ ﻃﺮﺡ ﺩﯾﮕﺮ ﺍﺻﻨﺎﻑِ ﺳﺨﻦ ﻣﯿﮟ ﻗﺼﯿﺪﮦ ،ﻣﺜﻨﻮﯼ، ﺭﺑﺎﻋﯽ ،ﻏﺰﻝ ﻭﻏﯿﺮﮦ ﮐﺎ ﺍﭘﻨﺎ ﺍﯾﮏ ﻣﻨﻔﺮﺩ ﺍﻭﺭ ﺟﺪﺍﮔﺎﻧﮧ ﻣﻘﺎﻡ ﮨﮯ۔ ﺍﺳﯽ ﻃﺮﺡ ﻧﻌﺖ ﺑﮭﯽ ﺍﭘﻨﮯ ﺍﺻﻮﻝ ﻭﺿﻮﺍﺑﻂ ﮐﮯ ﺍﻋﺘﺒﺎ ﺭ ﺳﮯ ﺍﯾﮏ ﻣﻨﻔﺮﺩ ﻣﻘﺎﻡ ﺭﮐﮭﺘﯽ ﮨﮯ۔ﺩﺭﺍﺻﻞ ﺍﺻﻨﺎﻑِ ﺍﺩﺏ ﻣﯿﮟ ﻧﻌﺖ ﺳﮯ ﺯﯾﺎﺩﮦ ﻟﻄﯿﻒ، ﻧﺎﺯﮎ ﺍﻭﺭ ﻣﺸﮑﻞ ﺗﺮﯾﻦ ﮐﻮﺋﯽ ﺻﻨﻒِ ﺳﺨﻦ ﻧﮩﯿﮟ ﺍﻭﺭ ﺍﺱ ﺳﮯ ﮐﻤﺎ ﺣﻘﮧٗ ﻋﮩﺪﮦ ﺑﺮ ﺍٓ ﮨﻮﻧﺎ ﻣﻤﮑﻦ ﺑﮭﯽ ﻧﮩﯿﮟ ﺍﺱ ﻟﯿﮯ ﮐﮧ ﺫﺍﺕِ ﺑﺎﺭﯼِ ﺗﻌﺎﻟﯽٰ ﺧﻮﺩ ﺭﺳﻮﻝ ﮐﺎﺋﻨﺎﺕ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺛﻨﺎ ﺧﻮﺍﮞ ﻭ ﻣﺪﺡ ﺧﻮﺍﮞ ﮨﮯ ۔
ﻧﻌﺖ ﻧﮕﺎﺭ ﮐﻮ ﺍﭘﻨﺎ ﺷﮩﺒﺎﺯِ ﻓﮑﺮ ﺑﮍﮮ ﮨﯽ ﮨﻮﺵ ﻭ ﺧﺮﺩﮐﮯ ﺳﺎﺗﮫ ﺍﺱ ﭘُﺮ ﺧﻄﺮ ﻭﺍﺩﯼ ﻣﯿﮟ ﭘﺮﻭﺍﺯ ﮐﺮﻧﺎ ﭘﮍﺗﺎ ﮨﮯ۔ﺍﮔﺮ ﺍﺱ ﺳﮯ ﺍﺱ ﺭﺍﮦ ﻣﯿﮟ ﺫﺭﮦ ﺑﮭﺮ ﺑﮭﯽ ﻟﻐﺰﺵ ﺍﻭﺭ ﮐﻮﺗﺎﮨﯽ ﮨﻮﺟﺎﺗﯽ ﮨﮯ ﺗﻮ ﺍﺱ ﮐﺎ ﺍﯾﻤﺎﻥ ﻭ ﺍﺳﻼﻡ ﺍﻭﺭ ﺩﯾﻦ ﻭﻣﺬﮨﺐ ﺩﻭﻧﻮﮞ ﺧﻄﺮﮮ ﻣﯿﮟ ﭘﮍﺟﺎﺗﮯ ﮨﯿﮟ ﯾﮩﯽ ﻭﺟﮧ ﮨﮯ ﮐﮧ ﻧﻌﺖ ﮐﮯ ﻣﯿﺪﺍﻥ ﻣﯿﮟ ﺍٓﮨﺴﺘﮕﯽ ﮐﮯ ﺳﺎﺗﮫ ﻧﮩﺎﯾﺖ ﺳﻨﺒﮭﻞ ﮐﺮ ﺣﺰﻡ ﻭ ﺍﺣﺘﯿﺎﻁ ﮐﮯ ﺩﺍﻣﻦ ﮐﻮ ﺗﮭﺎﻣﮯ ﮨﻮﺋﮯ ﻗﺪﻡ ﺭﮐﮭﻨﺎ ﺿﺮﻭﺭﯼ ﮨﮯ۔ ﺍﮐﺜﺮ ﻧﻌﺖ ﮔﻮ ﺷﻌﺮﺍ ﻧﮯ ﺍﺱ ﭘُﺮ ﺧﻄﺮ ﻭﺍﺩﯼ ﻣﯿﮟ ﺑﮍﮮ ﮨﻮ ﺵ ﻭ ﺣﻮﺍﺱ ﮐﮯ ﺳﺎﺗﮫ ﻗﺪﻡ ﺭﮐﮭﺎ ﮨﮯ۔ﻋﻼﻭﮦ ﺍﺯﯾﮟ ﺍﯾﺴﮯ ﻧﻌﺖ ﮔﻮ ﺷﻌﺮﺍ ﺑﮭﯽ ﮨﯿﮟ ﺟﻦ ﺳﮯ ﺍﺱ ﺭﺍﮦ ﻣﯿﮟ ﻟﻐﺰﺷﯿﮟ ﮨﻮﺋﯽ ﮨﯿﮟ ﺍُﻥ ﮐﺎ ﺫﮐﺮ ﺍٓﯾﻨﺪﮦ ﺿﻤﻨﯽ ﺑﺎﺏ ﻣﯿﮟ ﮐﯿﺎ ﺟﺎﺋﮯ ﮔﺎ۔ﺍﻟﺒﺘﮧ ﺟﻦ ﻧﻌﺖ ﮔﻮ ﺷﻌﺮﺍ ﻧﮯ ﺍﺱ ﭘُﺮﺧﻄﺮ ﻭﺍﺩﯼ ﮐﮯ ﺧﻄﺮﺍﺕ ﺍﻭﺭ ﻓﻦِّ ﻧﻌﺖ ﮐﯽ ﺍﮨﻤﯿﺖ ﻭﻋﻈﻤﺖ ،ﺍﺱ ﮐﮯ ﻣﻘﺎﻡ ﻭﻣﺮﺗﺒﮧ ﺍﻭﺭ ﺗﻘﺪﺱ ﮐﻮ ﻣﺤﺴﻮﺱ ﮐﯿﺎ ﮨﮯ ﺍﻥ ﮐﮯ ﺟﺬﺑﺎﺕ ﻭ ﺍﺣﺴﺎﺳﺎﺕ ﮐﻮ ﺫﯾﻞ ﺧﯿﺎﻻﺕ ﮐﯽ ﺭﻭﺷﻨﯽ ﻣﯿﮟ ﺳﻤﺠﮭﺎ ﺟﺎﺳﮑﺘﺎ ﮨﮯ ۔
ﺍﻣﺎﻡ ﺍﺣﻤﺪ ﺭﺿﺎﻣﺤﺪﺙِ ﺑﺮﯾﻠﻮﯼ :
’’ ﺣﻘﯿﻘﺘﺎً ﻧﻌﺖ ﺷﺮﯾﻒ ﻟﮑﮭﻨﺎ ﻧﮩﺎﯾﺖ ﻣﺸﮑﻞ ﮨﮯ،ﺟﺲ ﮐﻮ ﻟﻮﮒ ﺍٓﺳﺎﻥ ﺳﻤﺠﮭﺘﮯ ﮨﯿﮟ ﺍﺱ ﻣﯿﮟ ﺗﻠﻮﺍﺭ ﮐﯽ ﺩﮬﺎﺭ ﭘﺮ ﭼﻠﻨﺎ ﮨﮯ ﺍﮔﺮ ﺑﮍﮬﺘﺎ ﮨﮯ ﺗﻮ ﺍﻟﻮﮨﯿﺖ ﻣﯿﮟ ﭘﮩﻮ ﻧﭻ ﺟﺎﺗﺎﮨﮯ ﺍﻭﺭ ﮐﻤﯽ ﮐﺮﺗﺎ ﮨﮯ ﺗﻮ ﺗﻨﻘﯿﺺ ﮨﻮﺗﯽ ﮨﮯ ﺍﻟﺒﺘﮧ ﺣﻤﺪ ﺍٓﺳﺎﻥ ﮨﮯ ﮐﮧ ﺍﺱ ﻣﯿﮟ ﺭﺍﺳﺘﮧ ﺻﺎﻑ ﮨﮯ ﺟﺘﻨﺎﭼﺎﮨﮯ ﺑﮍﮪ ﺳﮑﺘﺎ ﮨﮯ، ﻏﺮﺽ ﺍﯾﮏ ﺟﺎﻧﺐ ﺍﺻﻼ ﺣﺪ ﻧﮩﯿﮟ ﺍﻭﺭ ﻧﻌﺖ ﺷﺮﯾﻒ ﻣﯿﮟ ﺩﻭﻧﻮﮞ ﺟﺎﻧﺐ ﺳﺨﺖ ﭘﺎﺑﻨﺪﯼ ﮨﮯ۔ ‘‘ ‏( 1 ‏)
ﻋﺒﺪ ﺍﻟﮑﺮﯾﻢ ﺛﻤﺮؔ :
’’ ﻧﻌﺖ ﻧﮩﺎﯾﺖ ﻣﺸﮑﻞ ﺻﻨﻒ ِ ﺳﺨﻦ ﮨﮯ ﻧﻌﺖ ﮐﯽ ﻧﺎﺯﮎ ﺣﺪﻭﺩ ﮐﻮ ﻣﺪِ ﻧﻈﺮ ﺭﮐﮭﺘﮯ ﮨﻮﺋﮯ ﺍﺱ ﮐﯽ ﺍٓﻓﺎﻗﯿﺖ ﻗﺎﺋﻢ ﺭﮐﮭﻨﺎ ﺍٓﺳﺎﻥ ﮐﺎﻡ ﻧﮩﯿﮟ۔ﺳﺮﮐﺎﺭِ ﺍﻗﺪﺱ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺷﺎﻥِ ﺍﻗﺪﺱ ﻣﯿﮟ ﺫﺭﺍ ﺳﯽ ﺑﮯ ﺍﺣﺘﯿﺎﻃﯽ ﺍﻭﺭ ﺍﺩﻧﺎ ﺳﯽ ﻟﻐﺰﺵِ ﺧﯿﺎﻝ ﻭ ﺍﻟﻔﺎﻅ ﺍﯾﻤﺎﻥ ﻭ ﻋﻤﻞ ﮐﻮ ﻏﺎﺭﺕ ﮐﺮﺩﯾﺘﯽ ﮨﮯ۔ ‘‘ ‏( 2 ‏)
ﻣﺠﯿﺪ ﺍﻣﺠﺪ :
’’ ﺣﻘﯿﻘﺖ ﯾﮧ ﮨﮯ ﮐﮧ ﺟﻨﺎ ﺏِ ﺭﺳﺎﻟﺖ ﻣﺎٓ ﺏ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺗﻌﺮﯾﻒ ﻣﯿﮟ ﺫﺭﺍ ﺳﯽ ﻟﻐﺰﺵ ﻧﻌﺖ ﮔﻮ ﮐﻮ ﺣﺪﻭﺩِ ﮐﻔﺮ ﻣﯿﮟ ﺩﺍﺧﻞ ﮐﺮﺳﮑﺘﯽ ﮨﮯ۔ﺫﺭﺍ ﺳﯽ ﮐﻮﺗﺎﮨﯽ ﻣﺪﺡ ﮐﻮ ﻗﺪﺡ ﻣﯿﮟ ﺑﺪﻝ ﺳﮑﺘﯽ ﮨﮯ ،ﺫﺭﺍ ﺳﺎ ﺷﺎﻋﺮﺍﻧﮧ ﻏﻠﻮ ﺿﻼ ﻟﺖ ﮐﮯ ﺯﻣﺮﮮ ﻣﯿﮟ ﺍٓﺳﮑﺘﺎ ﮨﮯ، ﺫﺭﺍ ﺳﺎ ﻋﺠﺰِ ﺑﯿﺎﻥ ﺍﮨﺎﻧﺖ ﮐﺎ ﺑﺎﻋﺚ ﺑﻦ ﺳﮑﺘﺎ ﮨﮯ۔ ‘‘ ‏( 3 ‏)
ﮈﺍﮐﭩﺮ ﺍﺑﻮﺍﻟﻠﯿﺚ ﺻﺪﯾﻘﯽ :
’’ ﻧﻌﺖ ﮐﮯ ﻣﻮﺿﻮﻉ ﺳﮯ ﻋﮩﺪﮦ ﺑﺮﺍٓﮨﻮﻧﺎﺍٓﺳﺎﻥ ﻧﮩﯿﮟ ﻣﻮﺿﻮﻉ ﮐﺎ ﺍﺣﺘﺮﺍﻡ ﮐﻼﻡ ﮐﯽ ﺑﮯ ﮐﯿﻔﯽ ﺍﻭﺭ ﺑﮯ ﺭﻭﻧﻘﯽ ﮐﯽ ﭘﺮﺩﮦ ﭘﻮﺷﯽ ﮐﺮﺗﺎ ﮨﮯ ،ﻧﻘﺎﺩ ﮐﻮ ﻧﻌﺖ ﮔﻮ ﺳﮯ ﺑﺎﺯ ﭘُﺮﺱ ﮐﺮﻧﮯ ﻣﯿﮟ ﺗﺎﻣّﻞ ﮨﻮﺗﺎ ﮨﮯ ﺍﻭﺭ ﺩﻭﺳﺮﯼ ﻃﺮﻑ ﻧﻌﺖ ﮔﻮ ﮐﻮ ﺍﭘﻨﯽ ﻓﻨﯽ ﮐﻤﺰﻭﺭﯼ ﭼﮭﭙﺎﻧﮯ ﮐﮯ ﻟﯿﮯ ﻧﻌﺖ ﮐﺎﭘﺮﺩﮦ ﺑﮭﯽ ﺑﮩﺖ ﺍٓﺳﺎﻧﯽ ﺳﮯ ﻣﻞ ﺟﺎﺗﺎﮨﮯ ،ﺷﺎﻋﺮ ﮨﺮ ﻣﺮﺣﻠﮧ ﭘﺮ ﺍﭘﻨﮯ ﻣﻌﺘﻘﺪﺍﺕ ﮐﯽ ﺍٓﮌ ﭘﮑﮍﺗﺎ ﮨﮯ ﺍﻭﺭ ﻧﻘﺎﺩ ﺟﮩﺎﮞﮑﺎ ﺗﮩﺎﮞ ﺭﮦ ﺟﺎﺗﺎﮨﮯ ﻟﯿﮑﻦ ﻧﻌﺖ ﮔﻮﺋﯽ ﮐﯽ ﻓﻀﺎ ﺟﺘﻨﯽ ﻭﺳﯿﻊ ﮨﮯ ﺍﺗﻨﯽ ﮨﯽ ﺍﺱ ﻣﯿﮟ ﭘﺮﻭﺍﺯ ﻣﺸﮑﻞ ﮨﮯ۔ ‘‘ ‏( 4 ‏)
ﮈﺍﮐﭩﺮ ﺍﮮ ۔ﮈﯼ۔ ﻧﺴﯿﻢ ﻗﺮﯾﺸﯽ :
’’ ﻧﻌﺖ ﮔﻮﺋﯽ ﮐﺎ ﺭﺍﺳﺘﮧ ﭘُﻞ ﺻﺮﺍﻁ ﺳﮯ ﺯﯾﺎﺩﮦ ﮐﭩﮭﻦ ﮨﮯ ﺍﺱ ﭘﺮ ﺑﮍﯼ ﺍﺣﺘﯿﺎﻁ ﺍﻭﺭ ﮨﻮﺵ ﺳﮯ ﭼﻠﻨﮯ ﮐﯽ ﺿﺮﻭﺭﺕ ﮨﮯ ﺍﺱ ﻟﯿﮯ ﺍﮐﺜﺮ ﺷﺎﻋﺮﻭﮞ ﻧﮯ ﻧﻌﺖ ﮐﮩﻨﮯ ﻣﯿﮟ ﺑﮯ ﺑﺴﯽ ﮐﺎ ﺍﻇﮩﺎﺭ ﮐﯿﺎ ﮨﮯ ﺟﺲ ﮨﺴﺘﯽ ﭘﺮ ﺧﺪﺍ ﺧﻮﺩ ﺩﺭﻭﺩ ﺑﮭﯿﺠﺘﺎ ﮨﮯ ﺍﻧﺴﺎﻥ ﮐﯽ ﮐﯿﺎ ﻣﺠﺎﻝ ﮐﮧ ﺍﺱ ﮐﯽ ﺗﻌﺮﯾﻒ ﮐﺎ ﺍﺣﺎﻃﮧ ﮐﺮﺳﮑﯿﮟ ۔ ‘‘ ‏( 5 ‏)
ﮈﺍﮐﭩﺮ ﻓﺮﻣﺎﻥ ﻓﺘﺢ ﭘﻮﺭﯼ :
’’ ﻧﻌﺖ ﮐﺎ ﻣﻮﺿﻮﻉ ﮨﻤﺎﺭﯼ ﺯﻧﺪﮔﯽ ﮐﺎ ﺍﯾﮏ ﻧﮩﺎﯾﺖ ﻋﻈﯿﻢ ﺍﻭﺭ ﻭﺳﯿﻊ ﻣﻮﺿﻮﻉ ﮨﮯ ﺍﺱ ﮐﯽ ﻋﻈﻤﺖ ﻭ ﻭﺳﻌﺖ ﺍﯾﮏ ﻃﺮﻑ ﻋﺒﺪ ﺳﮯ ﺍﻭﺭ ﺩﻭﺳﺮﯼ ﻃﺮﻑ ﻣﻌﺒﻮﺩ ﺳﮯ ﻣﻠﺘﯽ ﮨﮯ۔ﺷﺎﻋﺮ ﮐﮯ ﭘﺎ ﮮ ﻓﮑﺮ ﻣﯿﮟ ﺫﺭﺍ ﺳﯽ ﻟﻐﺰﺵ ﮨﻮﺋﯽ ﺍﻭﺭ ﻭﮦ ﻧﻌﺖ ﮐﮯ ﺑﺠﺎﮮ ﮔﯿﺎ ﺣﻤﺪ ﻭ ﻣﻨﻘﺒﺖ ﮐﯽ ﺳﺮﺣﺪﻭﮞ ﻣﯿﮟ۔ ﺍﺱ ﻟﯿﮯ ﺍﺱ ﻣﻮﺿﻮﻉ ﮐﻮ ﮨﺎﺗﮫ ﻟﮕﺎﻧﺎ ﺍﺗﻨﺎﺍٓﺳﺎﻥ ﻧﮩﯿﮟ ﺟﺘﻨﺎ ﻋﺎﻡ ﻃﻮﺭ ﭘﺮ ﺳﻤﺠﮭﺎ ﺟﺎﺗﺎﮨﮯ۔ﺣﻘﯿﻘﺘﺎً ﻧﻌﺖ ﮐﺎ ﺭﺍﺳﺘﮧ ﺑﺎﻝ ﺳﮯ ﺯﯾﺎﺩﮦ ﺑﺎﺭﯾﮏ ﺍﻭﺭ ﺗﻠﻮﺍﺭ ﮐﯽ ﺩﮬﺎ ﺭ ﺳﮯ ﺯﯾﺎﺩﮦ ﺗﯿﺰ ﮨﮯ ۔ ‘‘ ‏( 6 ‏)
ﻣﺬﮐﻮﺭﮦ ﺑﺎﻻ ﻓﮑﺮ ﺍﻧﮕﯿﺰ ،ﭘﺎﮐﯿﺰﮦ ﺧﯿﺎﻻﺕ ﺳﮯ ﯾﮧ ﺍﻣﺮ ﻭﺍﺿﺢ ﮨﻮﺟﺎ ﺗﺎ ﮨﮯ ﮐﮧ ﺍﯾﺴﯽ ﺍﺭﻓﻊ ﻭ ﺍﻋﻠﯽٰ ﺫﺍﺕ ﮐﻮ ﺟﺐ ﺷﺎﻋﺮ ﺍﭘﻨﯽ ﺷﺎﻋﺮﯼ ﮐﺎ ﻣﻮﺿﻮﻉ ﺑﻨﺎﺗﺎﮨﮯ ﺗﻮ ﺍﺳﮯ ﮐﻦ ﺳﻨﮕﻼﺥ ﻭﺍﺩﯾﻮﮞ ﺳﮯ ﮔﺬﺭﻧﺎ ﭘﮍﮮ ﮔﺎﺍﻭﺭ ﮐﺲ ﻗﺪﺭ ﻗﯿﻮﺩ ﻭ ﺍٓﺩﺍﺏ ﺍﺱ ﮐﮯ ﻋﻨﺎﻥ ﮔﯿﺮﺭﮨﯿﮟ ﮔﮯ، ﻟﮩٰﺬﺍ ﻧﻌﺖ ﮔﻮﺋﯽ ﮨﻤﺎﺭﯼ ﺷﺎﻋﺮﯼ ﻣﯿﮟ ﺳﺐ ﺳﮯ ﺯﯾﺎﺩﮦ ﺍﮨﻢ ﺍﻭﺭ ﺩﺷﻮﺍﺭﮔﺰﺍﺭ ﻭﮦ ﻣﻮﺿﻮﻉ ﮨﮯ ﺟﻮ ﺍﺱ ﺧﯿﺎﻝ ﮐﻮ ﺍﺳﺘﺤﮑﺎﻡ ﺑﺨﺸﺘﺎ ﮨﮯ ﮐﮧ ﺟﻦ ﺣﻀﺮﺍﺕ ﮐﻮﺳﺮﻭﺭِ ﮐﺎﺋﻨﺎﺕ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺳﮯ ﺩﻟﯽ ﺗﻌﻠﻖ ﺍﻭﺭ ﺭﻭﺣﺎﻧﯽ ﺭﺍﺑﻄﮧ ﮨﻮﮔﺎ ﯾﻘﯿﻨﺎ ﻭﮨﯽ ﺍﺱ ﭘُﺮﺧﺎﺭ ﻭﺍﺩﯼ ﻣﯿﮟ ﻗﺪﻡ ﺭﮐﮫ ﺳﮑﺘﮯ ﮨﯿﮟ ۔ﻋﺸﻖِ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺍﻭﺭ ﺟﺬﺑﮧٔ ﺍﯾﻤﺎﻧﯽ ﺳﮯ ﺳﺮﺷﺎﺭ ﮨﻮﮐﺮﻧﻌﺖ ﮔﻮﺋﯽ ﮐﮯ ﻟﯿﮯ ﺩﯾﻮﺍﻧﮧ ﻭﺍﺭ ﻗﻠﻢ ﺑﺮﺩﺍﺷﺘﮧ ﻧﮩﯿﮟ ﻟﮑﮭﺎﺟﺎﺋﮯ ﮔﺎ ﮐﮧ ﺍﺱ ﻃﺮﺡ ﺷﺎﻋﺮ ﺍﺱ ﻣﻘﺎﻡ ﺗﮏ ﺟﺎﺳﮑﺘﺎ ﮨﮯ ﺟﻮ ﮐﻔﺮ ﻭﺍﺳﻼﻡ ﺍﻭﺭ ﺷﺮﮎ ﻭ ﺗﻮ ﺣﯿﺪ ﮐﯽ ﺳﺮﺣﺪ ﮨﮯ ۔ﺍﺱ ﻟﯿﮯ ﻧﻌﺖ ﮔﻮ ﺷﺎﻋﺮ ﭘﺮﻣﺤﺾ ﺍﻭﺯﺍﻥ ﻭ ﺑﺤﻮﺭ ﮨﯽ ﮐﯽ ﭘﺎﺑﻨﺪﯾﺎﮞ ﻋﺎﺋﺪ ﻧﮩﯿﮞﮩﻮﺗﯿﮟ ﺑﻞ ﮐﮧ ﺍﺳﻼﻡ ﺍﻭﺭ ﺷﺮﯾﻌﺖ ﮐﺎﭘﺎﺱ ﻭ ﻟﺤﺎﻅ ﺑﮭﯽ ﺍﺱ ﮐﮯ ﻟﯿﮯ ﻻﺯﻣﯽ ﮨﮯ۔ ﺩﺭﺍﺻﻞ ﻧﻌﺖ ﮨﻤﺎﺭﯼ ﺷﺎﻋﺮﯼ ﮐﯽ ﻭﮦ ﻣﺤﺒﻮﺏ ﺍﻭﺭ ﭘﺎﮐﯿﺰﮦ ﺻﻨﻒ ﮨﮯ ﺟﺲ ﮐﮯ ﮈﺍﻧﮉﮮ ﺍﯾﮏ ﻃﺮﻑ ﻋﺒﺪ ﺳﮯ ﺍﻭﺭ ﺩﻭﺳﺮﯼ ﻃﺮﻑ ﻣﻌﺒﻮﺩ ﺳﮯ ﻣﻠﺘﮯ ﮨﯿﮞﺎﻭﺭ ﺍﺱ ﮐﺎ ﺭﺍﺳﺘﮧ ﺑﺎﻝ ﺳﮯ ﺑﺎﺭﯾﮏ ﺍﻭﺭ ﺗﻠﻮﺍﺭ ﮐﯽ ﺩﮬﺎﺭ ﺳﮯ ﺯﯾﺎﺩﮦ ﺗﯿﺰ ﮨﮯ، ﻧﻌﺖ ﮔﻮ ﺟﺐ ﺗﮏ ﻋﺸﻖِ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻣﯿﮟ ﮈﻭﺏ ﮐﺮ ﺗﻮﺣﯿﺪ ﻭﺭﺳﺎﻟﺖ ﺍﻭﺭ ﻋﺒﻮﺩﯾﺖ ﮐﮯ ﻧﺎﺯﮎ ﺭﺷﺘﻮﮞﻤﯿﮞﮩﻢ ﺍٓﮨﻨﮕﯽ ﭘﯿﺪﺍ ﻧﮧ ﮐﺮﮮ ﺍﺱ ﻭﻗﺖ ﺗﮏ ﻭﮦ ﻧﻌﺖ ﮔﻮﺋﯽ ﮐﮯ ﻣﻨﺼﺐ ﺳﮯ ﻋﮩﺪﮦ ﺑﺮ ﺍٓ ﻧﮩﯿﮟ ﮨﻮ ﺳﮑﺘﺎ۔ﻧﻌﺖ ﮐﺎ ﻓﻦ ﻧﮩﺎﯾﺖ ﻣﺸﮑﻞ ﮨﮯ،ﮐﯿﻮﮞﮑﮧ ﻧﻌﺖ ﮐﮯ ﻣﻀﺎﻣﯿﻦ ﻗﺮﺍٓﻥ ﻭﺣﺪﯾﺚ ﺳﮯ ﻣﺎﺧﻮﺫ ﮨﻮﺗﮯ ﮨﯿﮟ۔ﺍُﻥ ﻣﻀﺎﻣﯿﻦ ﮐﻮﻧﻈﻢ ﻭ ﻧﺜﺮ ﻣﯿﮞﺎﺱ ﺍﺳﻠﻮﺏ ﺍﻭﺭ ﻃﺮﺯِ ﺍﺩﺍ ﻣﯿﮟ ﺑﯿﺎﻥ ﻧﮩﯿﮞﮑﯿﺎ ﺟﺎ ﺳﮑﺘﺎ ﺟﺴﮯ ﺩﻭﺳﺮﮮ ﻣﻌﺸﻮﻗﺎﻥِ ﻣﺠﺎﺯﯼ ﮐﮯ ﺫﮐﺮ ﮐﮯ ﻭﻗﺖ ﺷﺎﻋﺮﺍﺳﺘﻌﻤﺎ ﻝ ﮐﺮﺗﺎ ﮨﮯ، ﯾﮩﺎﮞ ﭼﺸﻢِ ﺯﺩﻥ ﮐﮯ ﻟﯿﮯ ﺑﮭﯽ ﺍﺩﺏ ﮐﺎ ﺩﺍﻣﻦ ﮨﺎﺗﮫ ﺳﮯ ﭼﮭﻮﭦ ﺟﺎﻧﮯ ﭘﺮ ﺷﺎﻋﺮ ﮐﺎ ﺍﺳﻼﻡ ﻭ ﺍﯾﻤﺎﻥ ﺗﺒﺎﮦ ﻭ ﺑﺮﺑﺎﺩ ﮨﻮﺳﮑﺘﺎ ﮨﮯ ۔
ﺩﺭﺍﺻﻞ ﻧﻌﺖ ﺍﯾﮏ ﺍﯾﺴﮯ ﻣﻤﺪﻭﺡ ﮐﯽ ﺗﻌﺮﯾﻒ ﻭ ﺗﻮﺻﯿﻒ ﮨﮯ ﺟﺲ ﮐﯽ ﺑﺎﺭﮔﺎﮦ ﻣﯿﮞﺒﮯ ﺟﺎ ﻣﺒﺎﻟﻐﮧ ﺍٓﺭﺍﺋﯽ ﻗﺮﺑﺖِ ﻣﻤﺪﻭﺡ ﮐﺎ ﻭﺳﯿﻠﮧ ﻧﮩﯿﮟ ﺑﻦ ﺳﮑﺘﯽ ﺍﻭﺭ ﻧﮧ ﯾﮩﺎﮞ ﺍﺱ ﺑﯿﺎﻥ ﮐﻮ ﺑﺎﺭﯾﺎﺑﯽ ﺣﺎﺻﻞ ﮨﮯ ﺟﻮ ﺣﻖ ﻭ ﺻﺪﺍﻗﺖ ﮐﯽ ﺗﺮﺟﻤﺎﻧﯽ ﺳﮯ ﻣﺤﺮﻭﻡ ﮨﻮ۔ﯾﮩﺎﮞ ﻗﺪﻡ ﻗﺪﻡ ﭘﺮ ﺧﻄﺮﺍﺕ ﮐﺎ ﺳﺎﻣﻨﺎ ﮨﮯ، ﮐﯿﻮﮞ ﮐﮧ ﻧﻌﺖ ﺍُﺱ ﺫﺍﺕِ ﻣﻘﺪﺱ ﮐﯽ ﻣﺪﺡ ﺳﺮﺍﺋﯽ ﮨﮯ ﺟﻦ ﮐﯽ ﺑﺎﺭﮔﺎﮦ ﻣﯿﮟ ﺩﺍﻧﺴﺘﮧ ﻭ ﻧﺎﺩﺍﻧﺴﺘﮧ ﺫﺭﺍ ﺑﮭﯽ ﺳﻮﮮ ﺍﺩﺏ ﺣﺒﻂِ ﺍﻋﻤﺎﻝ ﮐﺎ ﺳﺒﺐ ﮨﻮﺳﮑﺘﺎ ﮨﮯ ،ﯾﮩﺎﮞ ’’ ﺑﺎﺧﺪﺍ ﺩﯾﻮﺍﻧﮧ ﺑﺎﺵ ﻭ ﺑﺎ ﻣﺤﻤﺪ ﮨﻮﺷﯿﺎﺭ ‘‘ ﮐﯽ ﻣﻨﺰﻝ ﮨﻤﮧ ﻭﻗﺖ ﺳﺎﻣﻨﮯ ﺭﮨﻨﯽ ﭼﺎﮨﯿﮯ۔ﻏﺮﺽ ﯾﮧ ﮐﮧ ﻧﻌﺖ ﮐﯽ ﺷﺎﮦ ﺭﺍﮦ ﺷﺎﻋﺮﯼ ﮐﯽ ﺳﺨﺖ ﺗﺮﯾﻦ ﺭﺍﮨﻮﮞ ﻣﯿﮟ ﺳﮯ ﺍﯾﮏ ﮨﮯ ﺍﻭﺭ ﺗﻤﺎﻡ ﺍﺻﻨﺎﻑِ ﺳﺨﻦ ﺳﮯ ﻣﺸﮑﻞ، ﺍﮔﺮ ﺣﺪ ﺳﮯ ﺗﺠﺎﻭﺯ ﮐﺮﺗﺎ ﮨﮯ ﺗﻮ ﺍﻟﻮﮨﯿﺖ ﮐﯽ ﺗﺠﻠﯽ ﺧﺎﮐﺴﺘﺮ ﮐﺮﺩﮮ ﮔﯽ ﺍﻭﺭ ﮐﻤﯽ ﮐﺮﺗﺎ ﮨﮯ ﺗﻮ ﺗﻨﻘﯿﺺِ ﺷﺎﻥِ ﺭﺳﺎﻟﺖ ﮐﯽ ﺗﯿﺰ ﺗﻠﻮﺍﺭﺷﺎﻋﺮ ﮐﯽ ﮔﺮﺩﻥ ﻧﺎﭖ ﺩﮮ ﮔﯽ ﻟﮩٰﺬﺍ ﺍﺱ ﻓﻦ ﮐﯽ ﻧﺰﺍﮐﺘﻮﮞ ﺳﮯ ﻋﮩﺪﮦ ﺑﺮ ﺍٓ ﮨﻮﻧﮯ ﮐﮯ ﻟﯿﮯ ﺑﮍﮮ ﻣﺤﺘﺎﻁ ﻓﮑﺮ ﻭ ﺗﺨﯿﻞ ،ﮨﻮﺷﯿﺎﺭﯼ ﺍﻭﺭ ﺍﺩﺏ ﺷﻨﺎﺳﯽ ﮐﯽ ﺿﺮﻭﺭﺕ ﭘﮍﺗﯽ ﮨﮯ ﮐﺴﯽ ﺧﯿﺎﻝ ﮐﻮ ﻓﻨﯽ ﭘﯿﮑﺮ ﻋﻄﺎ ﮐﺮﻧﮯ ﺳﮯ ﭘﮩﻠﮯ ﺍﺱ ﮐﻮ ﺳﻮ ﺑﺎﺭ ﺍﺣﺘﯿﺎﻁ ﮐﯽ ﭼﮭﻠﻨﯽ ﻣﯿﮟ ﭼﮭﺎﻥ ﻟﯿﻨﺎ ﭘﮍﺗﺎ ﮨﮯ ﺗﺐ ﮐﮩﯿﮟ ﺟﺎﮐﺮ ﻭﮦ ﻣﻌﺮﺽِ ﻭﺟﻮﺩﻣﯿﮟ ﺍٓﺗﺎ ﮨﮯ ﺍﻭﺭ ﺍﺣﺘﯿﺎﻁ ﮐﮯ ﺗﻘﺎﺿﻮﮞ ﮐﻮ ﺍﺩﺍ ﮐﺮﺗﺎﮨﮯ۔
ﺣﻮﺍﺷﯽ
‏( 1 ‏) ﻣﺼﻄﻔﯽٰ ﺭﺿﺎ ﻧﻮﺭﯼ ﺑﺮﯾﻠﻮﯼ،ﻋﻼﻣﮧ : ﺍﻟﻤﻠﻔﻮﻅ ،ﻣﻄﺒﻮﻋﮧ ﮐﺎﻧﭙﻮﺭ، ﺹ 144/145
‏( 2 ‏) ﻧﻘﻮﺵ : ﺭﺳﻮﻝ ﻧﻤﺒﺮ ،ﻻﮨﻮﺭ ،ﺝ 10 ،ﺹ 24
‏( 3 ‏) ﻧﻘﻮﺵ : ﺭﺳﻮﻝ ﻧﻤﺒﺮ ،ﻻﮨﻮﺭ ،ﺝ 10 ،ﺹ 24
‏( 4 ‏) ﻧﻘﻮﺵ : ﺭﺳﻮﻝ ﻧﻤﺒﺮ ،ﻻﮨﻮﺭ ،ﺝ 10 ،ﺹ 25
‏( 5 ‏) ﻧﻘﻮﺵ : ﺭﺳﻮﻝ ﻧﻤﺒﺮ ،ﻻﮨﻮﺭ ،ﺝ 10 ،ﺹ 25
‏( 6 ‏) ﻧﻘﻮﺵ : ﺭﺳﻮﻝ ﻧﻤﺒﺮ ،ﻻﮨﻮﺭ ،ﺝ 10 ،ﺹ 25